"Këto janë qartësisht zgjedhje për një zgjidhje," tha Dr. James Ker-Lindsay, një ekspert i London School of Economics për çeshtjet e Qipro. "Akinci, më shumë se çdo kandidat tjetër, mund të arrijë kompromiset e nevojshme me Qipriotët grek dhe të avancojë negociatat."

Negociatat e ndërmjetësuara nga OKB-ja, u ndërprenë tetorin e kaluar dhe pritet të rifillojnë muajin e ardhshëm. Kreu i ri ka sinjalizuar se është i hapur për të marrë masat e nevojshme për krijimin e besimit te populli dhe arritjen e paqes nëpërmjet bisedimeve. "Ka një mundësi për të gjitha palët për të përfituar," tha ai në prag të votimeve të së dielës.

Lideri Qipriot grek Nikos Anastasiades, i cili kryeson Republikën e Qipros të njohur ndërkombëtarisht, ka ushtuar gjatë presion për Varoshan, një qytet turistik në veri. Qyteti ka qenë nën kontrollin e ushtrisë turke që prej 1974, kur një përpjekje nga qipriotët grekë për t’u bashkuar me Greqinë bëri që Ankaraja ta pushtonte të gjithë zonën.

Në këmbim të Varoshan-it, jugu i drejtuar nga grekët u shpreh se do të lejojë fluturimet direkte në veri dhe do të hapë portin e Famagustës për transportin ndërkombëtar. Të dyja këto do të ndihmojnë në zbutjen e izolimit global të qipriotëve turq që kanë vuajtur që prej shpalljes së pavarsisë në 1991.

Anastasiades përgëzoi Akincin duke e telefonuar atë personalisht të dielën. "Republika e Qipros mirëpret zgjedhjen e Mustafa Akinci, si kreun e komunitetit turk qipriot, një njeri i cili përmes diskursit të tij publik dhe deklaratave, ka përmendur nevojën për ribashkimin e vendit," tha zëdhënësi i qeverisë Nikos Christodoulides.
Akinci do të ketë një punë të vështirë për të bërë. Qiproja Veriore ka qënë gjithnjë e më shumë në varfëri, e goditur nga sanksionet ndërkombëtare dhe e njohur vetëm nga Turqia.

Në kontrast të theksuar me jugun e pasur, veriu është një hap prapa në kohë." Qipriotët turq e kuptojnë se ata po përballen me dy mundësi," tha Dr Ker-Lindsay. "Ose të zhyten në një Turqi nën drejtimin e Presidentit Rexhep Tajip Erdogan që është gjithnjë duke kthyer shpinën larg nga Europa, të drejtat e njeriut dhe standardet demokratike, ose të bëjnë një marrëveshje me qipriotët grek dhe të kenë rolin e tyre në një shtet që është pjesë e BE-së. Populli tani do të jetë në dorë të Akincit dhe zotimit të tij ndërkohë që të dy komunitetet duhet të shërojnë plagët së bashku.
                                                                                                                           The Guardian, prill 2015