E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Deklarata e Pёrbashkёt e 6 Kryeministrave tё Ballkanit Perёndimor pёr bazёn e Rrjetit tё Transporitit dhe Prioritetet e Projektit

6 wb n brukselMë 21 prill 2015, Komisioneri Hahn dhe Komisionerja Bulc mbajtën në Bruksel takimin e 6 Kryeministrave të Ballkanit Perëndimor. Takimi në Bruksel konfirmoi dakortsinë për bazën e rrjetit të transportit nëpërmjet një përcaktimi të përbashkët dhe diskutoi mënyrat konkrete të cilat do të ndihmojnë në implementimin e rrjetit. Deklarata e Përbashkët që shoqëroi takimin si më poshtë:


Si një vazhdim i Konferencës për Ballkanin Perëndimor, të mbajtur në Berlin më 28 gusht 2014 dhe takimeve Ministrore të zhvilluara në Beograd në 23 tetor dhe në Prishtinë më 25 mars, ne, Kryeministrat e Ballkanit Perëndimor të mbledhur në Bruksel më 21 prill 2015 në prezencë të Komisionerit Europian për Negociatat e Zgjerimit dhe Politikat e Fqinjësisë Europiane, Komisioneres Europiane për Transportin dhe Sekretarit të Përgjithshëm të Këshillit të Bashkëpunimit Rajonal, kanë pranuar Deklaratën e Përbashkët vijuese për të riafirmuar angazhimin e tyre të ndërlidhjeve, fqinjësisë së mirë, bashkëpunimit rajonal dhe integrimit Europian.

1. Përmirësimi i bashkëpunimit rajonal dhe stabilitetit ekonomik janë ndër mjetet tona të arritjes së standarteve europiane dhe përmbushjes së kritereve të pranimit në BE, proces i cili duhet të sjellë përfitime të qarta për qytetarët tonë që para pranimit.

2. Ne shprehim angazhimin tonë për “Procesin e Berlinit” dhe mbetemi të fokusuar në sigurinë se Samiti i 27 gushtit 2015 në Vjenë do të sjellë arritjen e rezultateve konkrete bazuar në projekte të caktuara investimi.

3. Ne pranojmë faktin se përmirësimi i lidhjeve në kuadër të rajonit tonë ashtu si me Bashkimin Europian është një faktor kyç në punët dhe zhvillimin e Ballkanit Perëndimor.

4. Ne pranojmë që kjo ambicie e përbashkët kërkon angazhimin tonë personal dhe atë të lidershipit.

5. Ne konstatojmë se në Bashkimin Europian, baza e rrjetit të transportit lidh të gjitha kryeqytetet e BE-së, qendrat kryesore ekonomike dhe portet kryesore të BE-së. Ne njohim faktin se zgjatja e tij në Ballkanin Perëndimor lejon përshpejtimin e politikave dhe reformave rregulluese, përpjekjeve të përqendruara dhe investimeve në korridoret kyçe dhe ndërlidhjet.

6. Ne kemi rënë dakort për rrjetin kryesor të Ballkanit Perëndimor të përshkruar si në tabelën bashkëngjitur. Në vazhdim, hekurudha e Korridorit të VIII do të jetë nën mbikqyrje duke përfshirë financimin e mundshëm të studimeve paraprake, lidhjeve të detajuar, dizenjimeve dhe punëve eksploruese me një përfshirje në rrjetin kryesor gjatë rishikimit të ardhshëm të ‘TEN T”

7. Ne pranojmë se Komitetet respektive të Investimeve Kombëtare duhet të krijojnë pa asnjë vonesë kanalet e projektit të vetëm të investimeve prioritare, duke qenë se janë para-kushte për marrjen e mbështetjes së IPA II për investimet e bashkë-financuara.

8. Kanalet e projektit duhet të reflektojnë faktin se Projektet e Interesit të Energjisë së Komunitetit (PECI) janë një pjesë e rëndësishme e agjendës tonë të ndërlidhjes.

9. Ne marrim përsipër të identifikojmë dhe të adresojmë pa vonesa të gjitha masat përkatëse sic janë çështjet rregulluese, riorganizimi i proçedurave të kalimit të kufirit të cilat mund të sjellin përfitime të menjëhershme të ndërlidhjeve, me një kosto të arsyeshme për 6 përfaqësitë e Ballkanit Perëndimor.
                                                                                                                   Komisioni Europian, prill 2015

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1