E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Ruajtja e paqes dhe stabilitetit në Ballkanin Perëndimor kërkon vëmendjen e plotë të BE-së

joint-statement-7

 

Konflikti është shtuar në Ballkanin Perëndimor, duke rrezikuar jo vetëm marrëdhëniet rajonale por edhe procesin e integrimit të shumë shteteve (potenciale) kandidate për BE. Zhvillimet e fundit kanë shfaqur dobësinë e sistemeve demokratike në rajon. Nën fokusin e ndikimit të palëve të treta në Ballkanin Perëndimor, nxitur dhe nga rënia e pranisë së BE-së dhe shtimit të tensioneve historike, ka një rrezik të lartë për paqen dhe stabilitetin.


Perspektiva e anëtarësimit në Bashkimin Europian ka ofruar për pothuajse dy dekada një nxitje për reforma në Ballkanin Perëndimor. Por zgjerimi ka zbritur në mënyrë dramatike në listën e prioriteteve të BE-së, ndërkohë që BE-ja po përballet me një numër të konsiderueshëm sfidash të brendshme dhe të jashtme, në një kontekst të ndryshueshëm gjeopolitik dhe nevojës për të ndryshuar rrënjësisht vetveten, tanimë si BE-27.
Përkeqësimi i marrëdhënieve BE-Rusi është reflektuar edhe në dinamikën e Ballkanit Perëndimor. Në tërësi, vrulli i zgjerimit dhe treguesit pozitivë mungojnë, përveçse disa arritjeve dhe zhvillimeve në procesin individual të anëtarësimit të shteteve.

E pranishme në të gjithë Europën, përfshirë vendet e Ballkanit Perëndimor, Lëvizja Europiane punon në mënyrë aktive për një Europë të integruar dhe demokratike. Shembujt nga zgjerimet e fundit konfirmojnë se procesi i hyrjes në BE ka pasur një ndikim të madh në procesin e reformave dhe zhvillimin ekonomik në shtetet respektive. Në vendet e Ballkanit Perëndimor, perspektiva e hyrjes në BE ka qenë synimi kryesor që demokracitë e brishta të vazhdonin procesin e reformave, demokratizimin dhe vendosjen e shtetit të së drejtës. Kjo gjithashtu nënkupton se vendet e Ballkanit Perëndimor duhet të bëhen anëtare të BE-së, vetëm pasi të përmbushin kriteret e zgjerimit, bazuar në parimet e individualitetit dhe meritës. Thelbësore në transformimin e tyre është pranimi i vlerave europiane – paqja, demokracia, pluralizmi, shteti i së drejtës, të drejtat e njeriut – fatkeqësisht të vëna në dyshim për zbatimin e tyre edhe në Europë, gjë që rrezikon pikë së pari besueshmërinë e saj.

Lëvizja Europiane ndan shqetësimin rreth situatës delikate në Ballkanin Perëndimor. Ekziston një rrezik real që në kontekstin gjeopolitik rajoni të përfshihet në një luftë për pushtet dhe se keqpërdorimi i ndasive historike të ndezë konflikte të reja. Ekziston edhe një përgjegjësi e veçantë për liderët e rajonit për të ruajtur paqen dhe stabilitetin, si një parakusht për prosperitet dhe zhvillim demokratik. Këto nuk janë vetëm fjalë boshe, pasi Ballkani e di shumë mire që kjo është e vetmja alternativë në dobi për të gjithë qytetarët. Takimet rajonale dhe dialogu për çështjet akoma të kontestuara duhet të jetë më i shpeshtë, konstruktiv dhe gjithëpërfshirës.

BE duhet ti japë vëmendjen e plotë zhvillimeve në rajon, të mbështesë demokracinë dhe zhvillimin ekonomik dhe të bëjë thirrje për kujdes e maturi nga ana e partnerëve të saj të Ballkanit Perëndimor. Në të njëjtën kohë BE ka nevojë të përfshijë zgjerimin në reflektimet strategjike të së ardhmes së përbashkët europiane, si dhe të ri-vlerësojë dhe përmirësojë instrumentet që disponon, përfshirë këtu edhe mbështetjen për organizatat e shoqërisë civile në ngritjen e kapaciteteve, për një proces të suksesshëm të zgjerimit bazuar në parimet e përshkruara më sipër. BE-ja duhet të angazhohet në mënyrë individuale me secilin vend për të parë se çfarë ajo mund të ofrojë në drejtim të pajtimit dhe mbështetjes, duke përdorur aty ku është e mundur si mjet nxitës edhe një perspektivë më të besueshme të zgjerimit.

Është shumë e rëndësishme që si aktorët hierarkikë, ashtu edhe ata të decentralizuar të punojnë drejt sigurimit të një hapësire të sigurt demokratike, ku qytetarët mund të diskutojnë lirisht, vendimet demokratike të merren nga institucione funksionale, dhe të zbatohen nga një qeveri e përgjegjshme.
                                                                                                              Lëvizja Europiane Ndërkombëtare
                                                                                                                       Lëvizja Europiane në Serbi                                                                                                                    Lëvizja Europiane në Shqipëri                                                                     Lëvizja Europiane në Ish-Republikën Jugosllave të Maqedonisë                                                                                                                  Lëvizja Europiane në Mal të Zi                                                                                                   Lëvizja Europiane në Bosnje & Hercegovina



  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1