E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Refugjatë, mirësevini!

refugee welcomeEdhe pse duket sikur askush në Europë nuk do t’i ndihmojë refugjatët, një numër i madh qytetarësh nga vende të ndryshme të BE-së po japin ndihmën e tyre në mënyra nga më të ndryshmet. Që nga grupet vullnetare në Hungari deri tek priftërinjtë spanjollë po vihen re gjithnjë e më shumë lëvizje humanitare në ndihmë të imigrantëve në mbarë Europën. 

Gjermani, vend i cili pret dhe numrin më të madh të refugjatëve, persona me influencë në shoqërinë e vendit kanë ngritur zërin e tyre në mbështetje të tyre. Regjisori dhe aktori Til Schwegier krahas thirrjeve të vazhdueshme të tij për të treguar humanitet ndaj të ardhurve, ka njoftuar planet për të shndërruar kazermat në Gjermaninë qendrore, në shtëpi për refugjatët. Veç kësaj, të rinjtë në Gjermani janë vazhdimisht inovator me idetë e tyre për t’u ardhur në ndihmë refugjatëve ku së fundmi një çift nga Berlini, kanë realizuar një portal online “Refugjatë Mirësevini” (Willkommen Flüchtlinge), ku refugjatët dhe azil-kërkuesit mund të krijojnë kontakte me persona të tjerë të cilët janë të gatshëm të ndajnë shtëpitë e tyre me ta.

Greqi, vullnetarë vendas në fshatin Kalloni vazhdojnë të ndihmojnë imigrantët që nga 2007. Vullnetarë në brigjet e ishullit Lesbos, bëjnë atë që një mjek do ta quante “ndihma e shpejtë” për imigrantët që zbresin nga anijet, duke i ndihmuar me rroba të thata e nevoja të tjera. Madje një çift turistësh gjerman, anuluan biletën e kthimit për të qëndruar e për të ndihmuar në çdo lloj mënyre imigrantët që zbarkojnë në ishullin grek. Po ashtu në vendin e një kampi të vjetër në këtë ishull, një ekip vullnetarësh kanë krijuar strehim të përkohshëm për rreth 80 emigrantë. E njëjta gjë është bërë edhe nga një pronare greko-australiane e cila prapa restorantit të saj ka ngritur një kamp të improvizuar për 150 refugjatë duke u dhënë tre vakte në ditë e duke përdorur donacionet e turistëve apo vendasve për t’i ndihmuar sadopak ata.

Ndërkohë në Spanjë fondacione si Toka e të gjithëve (Tierra de todos) dhe shoqata si Cardinj kanë ndihmuar më shumë se 3, 536 refugjatë dhe vazhdojnë t’u vijnë në ndihmë nëpërmjet kurseve të ndryshme si dhe nëpërmjet pritjeve në banesa, përshtatur për të rinjtë që kanë nevojë për të qëndruar në një vend, derisa gjendja e tyre të mund të stabilizohet.

Refugjatëve në Francë, përveçse u ofrohet ndihmë nga famullitë ku strehohen dhe ndihmohen me ushqim dhe veshje, nuk mungojnë as vullnetarë të tjerë të cilët përpiqen të japin sadopak nga vetja e tyre për të mundësuar frymën e tolerancës dhe humanizmit për imigrantët “në xhungël”.

Një grup miqsh të rinj britanik nuk kanë hezituar të takojnë e të kontaktojnë personalisht me refugjatët e vendosur në një kamp në zonën Calais. Madje në Britani, nëpërmjet projektit “Biçikleta” (The Bike Project) refugjatëve u jepet mundësia të ndihmojnë në riparimin e biçikletave të vjetra për t’i përvetësuar ato më pas. Një mënyrë e mirë-menduar që përveçse i përfshin në projekt, u mëson atyre se si të kujdesen për biçikletën e tyre “të re”.

Hungari krahas një rrjeti vullnetarësh me më shumë se 2,500 anëtarë në një grup të krijuar në Facebook të quajtur “Migszol” (Solidariteti për Imigrantët), një grup tjetër vullnetarësh entuziastë të quajtur “Ushqim, jo bomba” (Food Not Bombs), gatuajnë dhe shpërndajnë ushqim për familjet e dëshpëruara që enden rrugëve të Budapestit.

E ndërsa në Turqi një çift përdori paratë e dasmës për të ushqyer më shumë se 4 000 refugjatë sirian sikurse dhe në Maqedoni ku familjet në vend, sigurojnë ujë, çaj dhe ushqim për refugjatët, në mbarë Europën përtej politikës po ndihet një solidaritet i paçmueshëm dhe po veprohet praktikisht për të ndihmuar qindra refugjatë që tashmë prej kohësh vijnë në Europë duke shpresuar për një jetë më të mirë.

                                                                                                                                   Storify, gusht 2015

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1