E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

BE-ja në luftën ndaj terrorizmit

terrorizmiNë takimin ministror ndërkombëtar të mbajtur më 11 janar në Paris, zyrtarët e lartë të mbledhur u zotuan se do të kenë një përgjigje të menjëhershme lidhur me sulmin e javës së kaluar ndaj gazetës satirike Charlie Hebdo. Mes tyre ishin ministrat nga Austria, Belgjika, Danimarka, Gjermania, Italia, Hollanda, Polonia, Spanja, Suedia, dhe Mbretëria e Bashkuar.
Ndërkohë që më tepër se 1 milion njerëz po marshonin në Paris, ministrat e Bashkimit Europian së bashku me Prokurorin e Përgjithshëm amerikan Eric Holder deklaruan synimet e tyre për të shtuar masat ndaj terrorizmit. "Vetëm nëse ne punojmë së bashku, përmes shpërndarjes së informacionit, përmes bashkimit të burimeve tona do të jemi në gjendje të rrëzojmë ata të cilët i kanë shpallur luftë vlerave tona themelore,” tha Holder.


Në takim, gjithashtu morën pjesë dhe Koordinatori europian kundër terrorizmit dhe Komisioneri për çështjet e brendshme, të cilën paraqitën një listë të prioriteteve të politikës për të trajtuar atë që është parë si kërcënim në rritje i luftëtarëve të huaj të kthyer në shtëpi. Frika lidhet me faktin se rreth 2,500 qytetarë europian të larguar në Siri dhe Irak për të luftuar përkrah militantëve islamik mund të kthehen sërish në BE edhe më të radikalizuar.

Çështja e radikalizmit, nuk është e panjohur për BE-në. Në vitin 2011, Komisioni i Bashkimit Europian, krijoi Rrjetin e Ndërgjegjësimit ndaj Radikalizmit (RAN), i cili bashkon në të njëjtën linjë praktikantë nga fusha dhe vende të ndryshme, me sfida shoqërore të ndryshme, për të punuar në sektorin e shëndetësisë dhe atë social. Kështu në të marrin pjesë: shoqatat e viktimave, përfaqësues nga diaspora dhe politika lokale, oficerët e burgjeve ose të lirimit me kusht, mësues, etj. Qëllimi i këtij rrjeti është pikërisht lufta e ekstremizmit, dhunës dhe radikalizmit.

Në janarin e vitit të shkuar, Komisioni nxiti nisma për të forcuar kundërpërgjigjen europiane ndaj radikalizmit dhe dhunës ekstremiste. Ndërkohë që ndalimi i këtyre dy formave është më tepër pjesë e politikës së brendshme të çdo shteti anëtar, Komisioni Europian dhe RAN mund të asistojnë në disa mënyra, duke i asistuar këto shtete në krijimin e programeve të deradikalizmit, dhe duke përforcuar dialogje me shoqërinë civile për të parandaluar këto vepra.

Sulmi i muzeut në Bruksel vitin e kaluar dhe tani sulmi në Paris kanë kanë çuar në intensifikimin e thirrjeve për rritjen e sigurisë në kufijtë e jashtëm të BE-së, rritjen e masave të mbikqyrjes së internetit, dhe kalimin e ligjeve të reja të cilat mund të penalizojnë luftëtarët e huaj. Kjo e fundit, nënkupton që udhëtimet me qëllim terrorizmi ose veprimet e ngjashme me to, të trajtohen si vepra penale me rrezikshmëri të lartë. Një parashikim i tillë, rrjedh nga Rezoluta 2178 e Këshillit të Sigurimit, miratuar shtatorin e viti të kaluar, e cila i detyron qeveritë kombëtare ta parashikojnë si vepër penale në sistemet e tyre të brendshme. Nuk duhet harruar se, lufta ndaj terrorizmit para së gjithash është një kompetence dhe luftë kombëtare.

Këshilli Europian do të miratojë në muajt në vijim, Agjendën Europiane për Siguri për periudhën 2015-2020, e cila do të riorientojë sigurinë e përgjithshme në sfidat e shkaktuara nga kërcënimet kriminale aktuale. Disa elemente të rëndësishme janë tashmë në konsideratë:

• Vazhdimi i përforcimit të eficencës së Sistemit Shengen të Informacionit, gjithnjë e më tepër falë kontrolleve të rregullta, të shënjestruara, informuara dhe jo diskriminuese.
• Gjykimi nëse struktura ekzistuese ligjore penale ka nevojë për përforcim;
• përforcimi i bashkëpunimit mes Europolit dhe agjensive të tjera europiane dhe organeve të vlerësimit të kërcënimit, të njohura si IntCen (Qendra e Vetme e Inteligjente e Vlerësimit).
• Përforcimi i punës për të bërë disa informacione relevante të aksesueshme në zbatimin e ligjit me qëllim për një ndjekje dhe parandalim më efektiv të aktiviteteve kriminale me anë të kufijve europian dhe ndërkombëtar;
• Përforcim të shkëmbimeve të informacionit në nivel europian dhe ndërkombëtar për armët e paligjshme të zjarrit.

Këshilli Europian, gjithashtu do të vijojë punën me Parlamentin dhe Këshillin Europian për të adoptuar rregullat e Bashkimit Europian në sistemin e Rregjistrimit të Emrave të Pasagjerëve Europian, e cila do të përmirësojë aftësinë tonë për të zbuluar dhe parandaluar terrorizmin dhe krime serioze në një botë të mospengimit të udhëtimit global.

Franca, në nëntor përfshiu në ligjin kombëtar rregulla të reja, duke parashikuar dënim deri në 10 vjet dhe gjoba deri në €150,000 për “çdo person të cilit i gjenden në zotërim objekte ose substanca të rrezikshme (siç janë armët ose eksplozivët), i cili kosultohet me faqet terroriste ose ndjek trajnime terroriste“. Jo vetëm kaq, por në bazë të La Quadrature du Net, një OJQ në Francë, qeveria e këtij vendi, menjëherë pas sulmit në kryeqytet, kaloi disa dekrete të cilat i lejojnë autoritetet pa një vendim paraprak gjyqësor, të mbyllin të gjitha ato faqe të cilat përkrahin ose provokojnë terrorizmin.

Ministri i jashtëm spanjoll, Jorge Fernandez Diaz, u shpreh për El Pais, se vende të tjera, janë gjithashtu në proces të ndjekjes së kërkesave të rezolutës së Kombeve të Bashkuara. Qeveritë kombëtare kanë të drejtën, në bazë të disa rregullave strikte, të vendosin kufij kontrolli të brendshëm të përkohshëm. Sipas tij, kjo gjë është tejet e nevojshmë për të luftuar kërcënimin xhihadist.

Takimi ministror i së dielës, gjithashtu shtoi presionet mbi parlamentarët europian për të firmosur projektligjin e shpërndarjes së të dhënave personale, në bazë të së cilit kompanitë e linjave ajrore do të detyrohen të dorëzojnë të dhënat e pasagjerëve për policinë.  Projekt ligji në fjalë ka qenë i bllokuar në tre vitet e fundit, ku mes shqetësimeve të disa anëtarëve të parlamentit europian, qëndron argumenti se bie ndesh me disa të drejta themelore, si privatësia.

Në mbyllje të takimit, ministrat miratuan një deklaratë të përbashkët për luftën ndaj terrorrizmit.

                                                                                                                Stafi i EuroSpeak, janar 2015

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1