E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Route 28 – Të vizitosh shtetet e Europës pa lëvizur nga vendi yt

route 28Route 28 është një nismë ku prej 2 vitesh qytetarët europian në Ditën e Europës mund ta përjetojnë Europën në qytetin e tyre. Ideja dhe iniciativa e Route 28 vjen nga Katharina Moser, themeluese e MOSAIC dhe Stefan Apfl. Ai nuk është një projekt i BE-së, por një nismë europiane që synon të përcjellë një frymë pozitive. E frymëzuar nga Route 66 që çdo vit organizohet në Amerikë, Route 28 kërkon tu japë mundësi qytetarëve europianë që të paktën në një ditë të vetme të "udhëtojnë" së bashku dhe të njihen me shtetet e tjera europiane. Një udhëtim ku nuk duhet të shpenzosh ditë të tëra apo qindra kilometra për tu njohur me kulturën, mënyrën e jetesës, gjuhën, kulinarinë apo artin e një vendi, por mjafton një ditë e vetme duke vizituar rrugicat e qytetit ku jeton.


Në këto rrugica, në pjesë të caktuara të tyre të konsideruara "stacione" mund të njihesh me një element të caktuar që secili shtet përfaqëson. Pjesëmarrësve p.sh. i jepet mundësia të dëgjojnë muzikë franceze, të shijojnë gatimet polake, të shikojnë një film gjerman, një vepër arti italiane, të njihen me elemente tradicionale apo një aspekt tjetër që përfaqëson apo simbolizon secili vend i Europës. Në këtë mënyrë në një rrugë të vetme gjithsecili mund të njihet dhe të shkëmbejë kulturën me disa vende europiane pa iu dashur të udhëtojë drejt tyre.

Me anë të kësaj nisme synohet që Europa të vijë më pranë njerëzve. Numri 28 lidhet me numrin e shteteve anëtare në Bashkimin Europian dhe pse tashmë si rrjedhojë e referendumit Mbretëria e Bashkuar nuk është më pjesë e saj. Pas daljes së Britanisë nga BE-ja u diskutua që të kishte ndryshime dhe në emër, por gjithsesi ai nuk ndryshoi duke qenë se aktiviteti është organizuar dy herë deri më tani dhe ishte kthyer tashmë në traditë.
Route 28 është testuar për herë të parë në 2016 me pesë vende dhe në vitin 2017 aktiviteti u zgjerua dhe më shumë duke bërë që njerëzit të frymëzohen nga traditat që qëndrojnë akoma gjallë, në mënyrë që të inkurajohen ti shikojnë ngjarjet më nga afër.

Më 29 prill 2016, u zhvillua në Vjenë versioni pilot i Route 28 ku rreth 200 pjesëmarrës vizituan pesë nga stacionet më të rëndësishme europiane si Britania e Madhe, Polonia, Suedia, Spanja dhe Rumania. Pas ekspozimit të suksesshëm të pesë vendeve europiane ky projekt vazhdoi më 6 maj 2017, ku në ngjarjen e parë të madhe publike po në Vjenë, 800 pjesëmarrësit ishin në gjendje të vizitonin 15 vende duke u futur në shtatë rrugë të ndryshme. Në një ditë të vetme vizitorët "udhëtuan" në të gjithë Europën pa lënë qendrën e Vjenës. Interesant sa i përket organizimit të vitit 2017 në Vjenë, është që nuk morën pjesë vetëm shtetet e BE-së, por edhe shtete të tjera si Zvicra. Synohet që në organizime të tjera numri i stacioneve që simbolizojnë dhe që përfaqësojnë shtetet europiane në këto rrugica të shkojë në 30-40 në mënyrë që të përfaqësohet e gjithë Europa. Përfaqësimi i këtyre vendeve do të shërbejë si bazë për bashkëpunim, solidaritet dhe paqe.

Për të qenë pjesë e kësaj ndjesie siç e konsiderojnë dhe themeluesit e Route 28 mjafton që për një ditë të vetme ndjesinë e të qenit europianë mos ta festojnë me tullumbace apo fjalime, por brenda një pasditeje nga ora 13:00-21:00 secili të zgjedhë grupin e udhëtimit dhe një shoqërues që do ti udhëheqë pjesëmarrësit nga njëri vend në tjetrin. Distancat mes stacioneve janë nga 5-20 minuta dhe pas udhëtimit nëpër këto stacione grupet kthehen në orën 18:00 për të festuar. Në këto shtatë rrugë pjesëmarrësit në secilën prej tyre kishin mundësinë të vizitonin tre shtete sipas dëshirave të tyre. Për të rinjtë rekomandohej Suedia, Bullgaria dhe Italia, për familjarët Holanda, Zvicra dhe Portugalia, për aktorët Mbretëria e Bashkuar, Spanja dhe Hungaria dhe për ata që duan pak nga të gjitha Irlanda, Italia dhe Spanja.

Të ndihesh europian është në qendër të projektit ndaj e gjithë kjo nismë lidhet me ndjenjat pasi shpesh mund të ndodhemi përballë dilemave: Pse duhet të ndihemi europianë? Pse është diçka kaq pozitive? Ajo çka synohet me anë të kësaj iniciative është që çdo ndryshim kulturor mes njerëzve të shihet si diçka pozitive që do të shërbejë për të pasuruar individët emocionalisht. Secili vend pasqyron ndjenjat, emocionet, përjetimet e njerëzve dhe pikërisht kjo gjë duhet të tregohet dhe përcillet nga njëri vend në tjetrin.

Çdo njeri i cili ka udhëtuar në vende të tjera, ka studiuar jashtë vendit apo ka miq përtej kufijve e di çdo të thotë kënaqësia e të vizituarit të një vendi të ri, entuziazmin për të panjohurën e re dhe argëtimin. Për vitin e ardhshëm Route 28 akoma nuk është vendosur se ku do të organizohet dhe pse një mundësi është që ky projekt të organizohet jo vetën në një shtet, por të zhvillohet si një tur në të gjithë Europën, pse jo dhe në Britaninë e Madhe. Atje ka akoma njerëz që ndihen Europianë dhe për ata që nuk ndihen të tillë të shërbejë si një shtysë për tu njohur me Europën dhe pse nuk janë më pjesë e BE-së.

Duke qenë se Europa është duke u ndarë disi, iniciativa të tilla vijnë në ndihmë për të përmirësuar situatën e krijuar, duke krijuar një ndjenjë që të shfaqet dhe të të shoqërojë për një periudhë kohe të gjatë. Gjendja e tanishme e kontinentit është një thirrje zgjimi për Europën, dhe synohet që me anë të kësaj nisme të mbështetet ideali europian. Europa nuk e ka humbur rrugën e saj, vizioni vazhdon, ka akoma shumë njerëz entuziastë në Europë. Route 28 nuk ndjek një qëllim politik, por social pasi vetëm në qoftë se ne kemi një interes të përbashkët, ne mund të zgjidhim sfidat e kohës sonë.

                                                                                                                      Stafi i EuroSpeak, qershor 2017

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1