E Hënë, 16 Shtator 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Arba Kokalari: Për herë të parë në Parlamentin Europian, një shqiptare si eurodeputete

ES foto - profil Maj 2019

Parlamenti i ri Europian do të ketë për herë të parë edhe një eurodeputete shqiptare. Arba Kokalari, e cila jeton në Stokholm të Suedisë, është shqiptarja e parë në histori që zgjidhet si eurodeputete në Parlamentin Europian. Ajo është pjesë e Moderatna (Partia e Moderuar), e cila fitoi 17.6% të votave për zgjedhjet e Parlamentit Europian të mbajtura në 23-26 maj duke siguruar 4 deputetë, mes tyre sigurisht edhe Arbën.


Kush është Arba Kokalari?

Arba u lind në Tiranë më 27 nëntor 1986. Ajo është mbesa e disidentes, shkrimtares dhe atdhetares së njohur Musine Kokalari, e cila ishte një ndër viktimat e regjimit dikatorial. Pas viteve 90’ Arba u zhvendos familjarisht në Suedi ku dhe jeton prej vitesh. Arsimin fillor e kreu në shkollën muzikore “Adolf Frederik”. Me politikë ajo filloi të angazhohej që në moshën 16 vjeçare. Pasi studioi në fushën e së Drejtës Ndërkombëtare në Kolegjin Suedez të Mbrojtjes Kombëtare, ajo i thelloi studimet e saj për Marrëdhënie Ndërkombëtare në Universitetin e Stokholmit. E orientuar në diplomaci, Arba ka shërbyer si këshilltare politike në Ministrinë e Punëve të Jashtme Suedeze. Orientimi i saj politik si centriste do të reflektohej që në fillimet e saj politike ku ajo mbajti rolin e Zv/Presidentes në organizatën politike rinore YEPP e cila është krahu i djathtë i Partisë Popullore Europiane (EPP). Aktualisht ajo shërben si deputete e Partisë së Moderuar-Moderatna. Në zgjedhjet e Parlamentit Europian ajo hyri në histori si shqiptarja e parë që fiton mandatin e eurodeputetes.


Këndvështrimi i saj mbi politikën dhe Bashkimin Europian

Duke qenë se vetë familja e saj ka jetuar gjatë komunizmit në Shqipëri dhe ajo ka lindur në vitet e fundit të tij, Arba e shikon bashkëpunimin europian si shumë të rëndësishëm për një Europë paqësore dhe demokratike, raporton fplus.se. Ajo shton se është pjesë e Partisë së Moderuar pikërisht për shkak të bindjeve të saj mbi lirinë e individëve që kjo parti garanton. Në BE, Arba është e vendosur për të përfaqësuar çështje si forcimi i kritereve demokratike për anëtarësimet në BE, çështjet klimatike mbi reduktimin e emetimeve të dëmshme dhe eleminimin e taksave dhe të burokracisë. Në çështjen e parë ajo ndalet duke shpjeguar se BE duhet të heqë dorë nga kontributet që jep në një shtet që nuk respekton liritë dhe të drejtat qytetare. Për sa i përket ligjit për të drejtën e autorit, ajo shprehet se ky ligj vështirëson lirinë e shprehjes duke shërbyer si një filtër censure. Kjo sepse do të ishte më e vështirë të gjeje informacione në internet, shprehet Arba në një intervistë për fplus.se. Për më tepër, ajo beson se tregtia e lirë, teknologjia dhe inovacioni e rrisin ndjeshëm cilësinë e jetës. Për sa i përket sfidave me të cilat përballet BE, Arba shprehet se Europa duhet të shërbejë si një promotore e lirive demokratike në botë, të jetë inovatore dhe të fuqizohet së brendshmi. E pyetur mbi bashkëpunimet e Suedisë në fushën e jashtme, Arba beson se Suedia do të fuqizohet nëse rrit marrëveshjet me shtetet Nordike dhe Baltike, duke rritur kështu influencën e saj në Europë.


Reagimet pas fitores

Menjëherë pas fitores, ajo postoi në rrjetet sociale një postim ku falenderonte stafin dhe elektoratin e partisë Moderatna. “Moderatorët marrin një mandat të katërt dhe unë kam hyrë në Parlamentin Europian! FALEMINDERIT për të gjithë ata që kanë luftuar për Moderatorët dhe mua!” - shkruante Arba. Kjo fitore e saj nuk u la jashtë vëmendjes së politikanëve shqiptarë të cilët gjetën rastin për të uruar Arba Kokalarin.

Siç raportojnë disa burime të afërta, lidhjet e saj me Shqipërinë nuk janë shkëputur dhe ajo vazhdon ta flasë gjuhën shqipe. Arba ka premtuar se do jetë një zë përfaqësues i Shqipërisë në rrugën drejt integrimit europian, duke vazhduar një ëndërr politike që Musine Kokalari nuk e realizoi dot. Me disa dekada diferencë dhe në situata politike të ndryshme, duket se aftësia e lidershipit dhe ambicia gjenden në ADN-në që karakterizon familjen Kokalari.

                                                                                                                           Stafi i EuroSpeak, maj 2019

  Kërko

  Axhenda

Shtator 2019

13 shtator–Eurogroup mban një takim joformal në Helsinki për çështjet ekonomike dhe financiare të vendeve anëtare të BE.

12 shtator –Komiteti Ekonomik dhe Social zhvillon një dëgjesë publike për rolin, propozimet dhe kontributin e shoqërisë civile në Semestrin e dytë Europian.

11 shator – Zhvillohet takimi mes Komisionerëve europianë ku do të diskutojnë për rolin e Komisionit Europian në politikat e ndryshimeve klimatike duke i paraprirë Samitit të ardhshëm Kombeve të Bashkuara për Klimën.

10 shtator – Presidenca e Këshillit do të zhvillojë Konferencën për demokracinë, sundimin e ligjit dhe të drejtat themelore

–Delegacioni i Komisionit të Venecias do të bëjë një vizitë zyrtare në Shqipëri në kuadër të projekt-opinionit për kompetencat e Presidentit në caktimin e datave të zgjedhjeve.

9 shtator – Presidenti momental Juncker takon Presidenten e zgjedhur të Komisionit Europian Ursula von der Leyen në një darkë pune.

  FJALOR

Komiteti Europian i Sindikatave për Arsimin (ETUCE)

ETUCE përfaqëson 132 Sindikata në 51 vende/shtete europiane, përfshirë këtu dhe Shqipërinë, dhe ka në total 11 milion persona - staf arsimor në të gjithë Europën. ETUCE është partneri social i mësuesve në nivel Europian dhe mbrojtës i interesave të tyre në Komisionin Europian. E themeluar më 1977, ETUCE është e përbërë nga sindikata kombëtare të mësuesve dhe personel të të gjitha fushave dhe niveleve të arsimit duke filluar nga edukimi i përgjithshëm, arsimi profesional dhe trajnimi, si dhe arsimi i lartë apo kërkimi shkencor.

  Na ndiqni ne:

facebook gplus twitter youtube1