E Diel, 08 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Këshilli i Stabilizim-Asociimit BE-Shqipëri nëntor 2018

2018-11-16Këshilli i Stabilizim-Asociimit (Këshilli i SAA) midis Shqipërisë dhe Bashkimit Europian mbajti takimin e tij të dhjetë më 14 nëntor 2018 në Bruksel ku shqyrtoi situatën e marrëdhënieve ndërmjet BE-së dhe Shqipërisë në kuadër të Procesit të Stabilizim Asociimit.
Takimi u kryesua nga Ministri për Europën dhe Punët e Jashtme të Shqipërisë, z. Ditmir Bushati, delegacioni i BE-së u udhëhoq nga Përfaqësuesi i Lartë i Bashkimit Europian për Punët e Jashtme dhe Politikën e Sigurisë / Nënkryetari i Komisionit, znj. Federica Mogherini, Komisioneri për Politikat e Fqinjësisë dhe Negocimet e Zgjerimit si dhe Z. Johannes Hahn përfaqësoi Komisionin Europian.

Pjesëmarrësit diskutuan strategjinë e para-aderimit, duke përfshirë kriteret politike dhe ekonomike, acquis dhe bashkëpunimin financiar . Gjatë takimit u rishikua dhe gjendja e zbatimit të Marrëveshjes së Stabilizim Asociimit ku pati gjithashtu një shkëmbim pikëpamjesh mbi zhvillimet në Shqipëri dhe Ballkanin Perëndimor.

Këshilli vuri në dukje si aspekt pozitiv Raportin e Komisionit Europian të vitit 2018, i cili rekomandoi hapjen e negociatave të pranimit me Shqipërinë, nën dritën e arritjes së progresit, ruajtjes dhe thellimit të reformave në momentin aktual. Këshilli ra dakord të reagojë pozitivisht ndaj përparimit të mësipërm dhe përcaktoi rrugën drejt hapjes së negociatave të pranimit në qershor të 2019. Nisur nga kjo, përfaqësuesit e BE-së përsëritën nevojën kritike që Shqipëria të mbajë dhe të thellojë momentin aktual të reformave, për të konsoliduar më tej progresin e bërë, në veçanti lidhur me reformën gjyqësore përmes procesit të verifikimit për të ofruar rezultate të tjera të prekshme në luftën kundër korrupsionit në të gjitha nivelet dhe në luftën kundër krimit të organizuar, veçanërisht në kultivimin dhe trafikimin e droga, duke u mbështetur në rezultatet pozitive në luftën kundër kultivimit të kanabisit që kanë vazhduar gjatë gjithë sezonit aktual të kultivimit të saj. 

BE vlerësoi operacionet e mëdha së fundmi në luftën kundër krimit të organizuar të kryer nga Policia e Shtetit dhe u shpreh se garantimi i ndjekjes së procesit të duhur gjyqësor ndaj operacioneve të suksesshme është një hap thelbësor, ashtu si dhe forcimi i përpjekjeve për konfiskimin e procedimeve të krimit.

Gjatë takimit, Delegacioni i Shqipërisë ritheksoi angazhimin e saj të fortë për të ofruar rezultate konkrete në axhendën e reformave dhe në veçanti për çështjet që lidhen me shtrirjen e sundimit të ligjit. U theksua se rezultatet e arritura në Shqipëri në fushën e sundimit të ligjit përbëjnë një bazë të qëndrueshme për avancimin e mëtejshëm të integrimit në BE, pasi ato vendosin terrenin për punën e mëtejshme që do të kryhet në kuadër të negociatave mbi kapitujt 23 dhe 24. Nga ana tjetër, Këshilli i Stabilizim Asocimit vuri në dukje se qasja e përforcuar për këto kapituj negociues do të rrisë më tej aktivitetin dhe progresin në gjyqësor ,në të drejtat themelore, si dhe drejtësinë, lirinë dhe sigurinë e vendit. Pas konkluzioneve të fundit, Këshilli i Stabilizim Asociimi-së vuri në dukje se Komisioni ka filluar punën përgatitore teknike me homologët shqiptarë.

Më tej, BE-ja përsëriti se dialogu politik konstruktiv ndërpartiak dhe bashkëpunimi në Kuvendin e Shqipërisë janë thelbësore për përparimin e mëtejshëm të reformave dhe për qëndrueshmërinë e përgjithshme të angazhimit në procesin e integrimit në BE. Në këtë kontekst, u theksua rëndësia e ndjekjes së dialogut të vazhdueshëm gjithëpërfshirës politik, duke tejçuar përpara punën teknike në të gjitha komisionet parlamentare, duke përfshirë edhe komitetin ad hoc për reformën zgjedhore. Perfaqësuesit e BE-së trajtuan gjithashtu nevojën që të gjitha palët të gjejnë konsensusin e nevojshëm për të ndryshuar ligjin mbi statusin e magjistratëve, i cili do të mundësojë rekrutimin e një numri më të madh të magjistratëve të rinj kandidatë.

Në përfundim të takimit, Këshilli i Stabilizim Asociimit e konsideroi rolin e Shqipërisë në rajon si një partner pro-aktiv dhe konstruktiv në vazhdimësi duke lavdëruar pjesëmarrjen e rregullt të Shqipërisë në iniciativat dhe strukturat rajonale në Europën Juglindore si dhe në marrëdhëniet e mira fqinjësore e qëndrimin konstruktiv rajonal.
                                                                                                                       Këshilli Europian, nëntor 2018

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1