E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Zgjedhjet në Moldavi: Pro-europianë apo Pro-rusë ?

moldaviPavarësisht se ishin zgjedhjet kombëtare në Moldavi duket sikur qytetarët duhet të zgjidhnin mes “Europës ose Rusisë”. Me 95% të votave të numëruara nga zgjedhjet e 30 nëntorit pro-europianët kanë arritur të fitojnë rreth 55 vende në parlamentin 101-vendesh, kështu tre partitë që synojnë integrimin e Moldavisë në Bashkimin Europian duket se do të formojnë qeverinë e ardhshme të Moldavisë.


Gjithsesi shumë qytetarë vendosin në pikpyetje legjitimitetin e zgjedhjeve, sepse partisë që ata kishin planifikuar të votonin iu ndalua pjesëmarrja në zgjedhje. Më 29 nëntor Gjykata Supreme e Moldavisë konfirmoi një vendim të mëparshëm i cili argumentonte se partia e re e udhëhequr nga Renato Usatii, një biznesmen i pasur, nuk mund të lejohej në zgjedhje sepse kjo parti ishte financuar nga fonde të jashtme, të paligjshme. Zoti Usatii e kishte pozicionuar partinë e tij të re si pro-ruse, dhe bënte thirrje për tu bërë pjesë e një bashkimi të ri doganor euroaziatik, së bashku me ish-republikat e tjera sovjetike. Për më tepër tre ditë para zgjedhjeve befas iku në Moskë kështu mesa duket dhe financimet i vinin nga Rusia.

Një tjetër situatë që ngjall dyshime është krijimi i të ashtuquajturës "parti klon" e cila u krijua pak para zgjedhjeve ku emri dhe simboli i së cilës ishin të ngjashme me Partinë Komuniste të zakonshme. Dorin Chirtoaca, kryetari i bashkisë së Kishinaut pavarësisht se është një pro-europian i patundur, thotë se ai mendon se kjo “parti klon” është krijuar për të ngatërruar votuesit e moshuar. Kjo parti mori 5% të votave, që është më pak se pragu i nevojshëm për të hyrë në parlament, por nëse të gjithë votat e saj do të kishin shkuar në favor të Partisë Komuniste aktuale, pro-evropianët do ti kishin humbur zgjedhjet.
Zoti Chirtoaca, përfaqësues i Partisë Liberale, parti e cila me shumë gjasa do të përfshihet në koalicionin e ri, thotë se BE-ja dhe Amerika duhet të insistojnë shumë që politikanët moldavë ta luftojnë korrupsionin. Victor Chirila, drejtor i Shoqatës për Politikat e Jashtme të vendit, një organizatë think-tank, shprehet se prioritet i momentit është stabilizimi i qeverisë së re dhe të brishtë. Një mënyrë e mirë për ta bërë këtë do të jetë kërkimi i mbështetjes nga komunistët. Në të kundërt, votuesit moldavë, pro-rusë mund të ndjehen sikur bashkëqytetarët e tyre pro-europiane janë duke u thënë atyre "ju nuk llogariteni dhe ne do të bëjmë ashtu si mendojmë ne".

Bashkëpunimi është shumë i rëndësishëm për Moldavinë për përparimin e saj ekonomik dhe për të sfiduar ndarjet të cilat sjellin efekte mjaft negative për një vend të vogël.
                                                                                                                 The Economist, Dhjetor 2014

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1