E Hënë, 16 Shtator 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Danimarka dhe Britania e Madhe- Të parat në Biznes

biznesMë datë 29 tetor, Banka Botërore botoi edicionin e saj të 12-të  të një raporti vjetor ku evidentohen  në mënyrë hierarkike vendet ku ka më shumë lehtësira për të bërë biznes.
Disa nga vendet anëtare të Bashkimit Europian, që përfshiheshin në 20-shen e parë të vendeve ku mund ta kishe më të thjeshtë për të bërë biznes ishte Danimarka (4) Mbretëria e Bashkuar (8), Finlanda (9), Suedia (11), Irlanda (13), Gjermania (14), dhe Estonia (17). Në 20-she përfshiheshin edhe vende të tjera europiane jo-anëtare të Bashkimit Europian si Norvegjia (6), Islanda (12)dhe Zvicra (20).

Vazhdo leximin...

Debate për buxhetin e BE-së 2015

buxheti 2015Më 22 tetor 2014 Parlamenti Europian votoi për të zgjeruar me 2 bilionë € buxhetin tepër ambicioz europian të vitit 2015. Ky vendim, i cili do të çojë drejt negociatave të vështira, u miratua me një shumicë dërrmuese prej 464 votash kundrejt 186 votave kundra.

Jean Arthur, Presidenti i Komitetit të Buxhetit në Parlamentin Europian, tha se kjo pjesë e buxhetit do t’i përkushtohet tërësisht zhvillimeve, rritjes ekonomike,  krijimit të vendeve të punës dhe projekteve të solidaritetit. Eurodeputetët duan të investojnë një shumë shtesë prej 190.5 milionë € në sipërmarrjet e vogla dhe të mesme si edhe në  programet kërkimore dhe edukative, ku përfshihen Erasmus+, agjencitë supervisore financiare si edhe sektorët e bujqësisë dhe të peshkimit, të cilat janë goditur nga sanksionet e Rusisë.

Vazhdo leximin...

Mirazhi i ekonomisë gjermane

ekonomia gjermanePër 60 vjet, qeveritë e njëpasnjëshme gjermane kërkuan të  afirmonin një  Gjermani europiane. Por së fundmi është vënë re se administrata e kancelares Angela Merkel do që të rikonceptojë  ekonomitë e Europës nën shembullin e Gjermanisë. Kjo është politikisht e papërgjegjshme dhe ekonomikisht e rrezikshme, pasi ndryshe nga se shprehet Ministri gjerman i Financave Wolfgang Schäuble, ekonomia gjermane është larg nga të qenit ekonomia më e suksesshme në Europë.

Vazhdo leximin...

Donald Tusk vë në dyshim çështjen e klimës në BE


donaldtuskZgjedhja e Donald Tusk si Kreu i Këshillit Europian vjen së bashku me presionin që Polonia të përmirësojë dosjen e saj mjedisore. Paketa e Klimës 2030 pritet të miratohet para mbërritjes së presidentit të ri.

Paketa Klimatike dhe Energjitike 2030,  e propozuar nga Komisioni në fillim të këtij viti, mbetet një dokument pune për shkak se ai ende nuk është diskutuar nga kryetarët e shteteve. Qëndrimi europian, i cili në teori duhet të ishte përcaktuar pranverën e kaluar, është shtyrë, me krizën në Ukrainë që po dominon samitet europiane që në fillim të 2014.

"Çdo gjë është bërë për të siguruar që dosja e çështjes së klimës të mos jetë një prioritet i lartë i Presidentit të ri të Këshillit Europian. Kredibiliteti i tij së shpejti do të mund të vihet në pikëpyetje", siguroi  një specialist. Konferenca për Ndryshimet Klimatike që ai organizoi në Varshavë në vitin 2013 ishte një dështim. Polonia gjeneron 90% të elektricitetit nga qymyri dhe shkarkimi i saj karbonik për frymë vazhdon të rritet. Ky nuk është një imazh i mirë për BE-në, së cilës  i pëlqen që ta tregojë veten si një udhëheqëse botërore në ndryshimin e klimës.

Vazhdo leximin...

BE-ja duhet të bëjë "më shumë me më pak" në vitin 2015


Komisioneri i buxhetit të bllokut europian, ndërsa paraqiste planet e shpenzimeve të BE-së për vitin 2015, deklaroi se Europa do të duhet të bëjë më shumë me më pak.
Nëse miratohen nga eurodeputetët dhe ministrat e qeverive, shpenzimet do të jenë 2,5 bilion € më pak se në vitin 2013, duke reflektuar shkurtimin prej 3% të shpenzimeve të BE-së ndërmjet 2014 dhe 2020.

Projektet e investimeve publike të BE-së duke përfjanusz-lewandowski.9shirë skemat e garancisë së të rinjve janë në listë për të patur rritjen më të madhe në të holla, duke marrë nga Komisioni 15,6 bilion €, një rritje prej 29.5% për këtë vit.
Nga ana tjetër, financimi strukturor për rajonet më të varfra të bllokut përballet me shkurtimin më të madh prej 5% por, me një parashikim prej 51,6 bilion  €, do të mbetet elementi më i madh i shpenzimeve. Gjithashtu, stafi në Komisionin Europian do të pësojë një shkurtim me mbi 1000 punonjës.

Vazhdo leximin...

  Kërko

  Axhenda

Shtator 2019

13 shtator–Eurogroup mban një takim joformal në Helsinki për çështjet ekonomike dhe financiare të vendeve anëtare të BE.

12 shtator –Komiteti Ekonomik dhe Social zhvillon një dëgjesë publike për rolin, propozimet dhe kontributin e shoqërisë civile në Semestrin e dytë Europian.

11 shator – Zhvillohet takimi mes Komisionerëve europianë ku do të diskutojnë për rolin e Komisionit Europian në politikat e ndryshimeve klimatike duke i paraprirë Samitit të ardhshëm Kombeve të Bashkuara për Klimën.

10 shtator – Presidenca e Këshillit do të zhvillojë Konferencën për demokracinë, sundimin e ligjit dhe të drejtat themelore

–Delegacioni i Komisionit të Venecias do të bëjë një vizitë zyrtare në Shqipëri në kuadër të projekt-opinionit për kompetencat e Presidentit në caktimin e datave të zgjedhjeve.

9 shtator – Presidenti momental Juncker takon Presidenten e zgjedhur të Komisionit Europian Ursula von der Leyen në një darkë pune.

  FJALOR

Komiteti Europian i Sindikatave për Arsimin (ETUCE)

ETUCE përfaqëson 132 Sindikata në 51 vende/shtete europiane, përfshirë këtu dhe Shqipërinë, dhe ka në total 11 milion persona - staf arsimor në të gjithë Europën. ETUCE është partneri social i mësuesve në nivel Europian dhe mbrojtës i interesave të tyre në Komisionin Europian. E themeluar më 1977, ETUCE është e përbërë nga sindikata kombëtare të mësuesve dhe personel të të gjitha fushave dhe niveleve të arsimit duke filluar nga edukimi i përgjithshëm, arsimi profesional dhe trajnimi, si dhe arsimi i lartë apo kërkimi shkencor.

  Na ndiqni ne:

facebook gplus twitter youtube1