E Shtunë, 18 Janar 2020
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

G20 përfundon duke shmangur një luftë tregtare ...

g20 finMbajtja e një sistemi bashkëpunimi shumëpalësh ishte qëllimi i vendosur nga Merkel, e cila priti takimin dy-ditor të G20, në Hamburg. Kancelarja shprehu kënaqësinë e saj për përfshirjen në përfundimet e samitit të një reference për ruajtjen e tregjeve të hapura dhe luftën kundër proteksionizmit. Ajo gjithashtu theksoi se një sistem i bazuar në rregulla luan një rol vendimtar për të siguruar që përfitimet e globalizimit të arrijnë te të gjithë. "Ne do të mbajmë tregje të hapura duke vënë në dukje rëndësinë e kornizave reciproke dhe të dobishme të tregtisë dhe investimeve, parimin e mosdiskriminimit dhe të vazhdojmë të luftojmë kundër proteksionizmit, duke përfshirë të gjitha praktikat e padrejta tregtare dhe të njohim rolin e instrumenteve legjitime të mbrojtjes tregtare në këtë drejtim". 

Por ky premtim nuk ishte i mjaftueshëm për Merkelin që të pengonte një raund të ri tarifash nga Presidenti i SHBA, Donald Trump. Ai po konsideron të kalojë masa të reja ndëshkuese kundër importeve të ndryshme në ditët në vijim, duke përfshirë edhe produktet gjermane, si një përgjigje ndaj hedhjes së çelikut në tregun amerikan. "Nuk mund të parashikoj se çfarë do të ndodhë nesër, ose një ditë më pas", -u shpreh Merkel. Për të shmangur një luftë tregtare, vendet e G20 ranë dakord të japin informacion deri në gusht rreth kapacitetit të tepërt të çelikut, në mënyrë që OECD të mund të përgatitë një raport deri në nëntor me zgjidhjet e mundshme.

"Ne kemi një plan mjaft ambicioz", pohoi Merkel.
Merkel arriti të mbajë formulën e anti-proteksionizmit, që samiti i G7 e miratoi majin e kaluar, por ajo nuk arriti në një qëndrim të përbashkët nga të gjithë udhëheqësit e G20, përfshirë Trump, mbi klimën dhe energjinë. Një qëndrim i përbashkët mbi këtë temë ishte një prioritet për Presidencën Gjermane të G20. Pas vendimit të Trump për t'u tërhequr nga marrëveshja e Parisit, Berlini dëshironte një deklaratë të përbashkët duke iu referuar nevojës për të kufizuar emetimet e CO2 dhe një plan veprimi për ta zbatuar atë. Por pas bisedimeve rraskapitëse, negociatorët më në fund pranuan se SHBA nuk do të mbështesin tekstin e përbashkët.

Si rezultat, në deklaratën e përbashkët të G20 u përfshi një paragraf, i cili shpreh se "kjo deklaratë e përbashkët, pa asnjë dyshim, tregon se çfarë duan SHBA dhe çfarë duan vendet e tjera", siç tha Merkel. "Shtetet e Bashkuara të Amerikës deklarojnë se do të përpiqen të punojnë bashkarisht me vende të tjera për t'i ndihmuar ata të hyjnë dhe të përdorin lëndët djegëse fosile më të pastër dhe efikase dhe të ndihmojnë në vendosjen e burimeve të rinovueshme dhe të tjera të pastra të energjisë, duke pasur parasysh rëndësinë e aksesit dhe sigurinë në energji në kontributet e tyre të përcaktuara në nivel kombëtar". Ndërkohë, vendet e tjera ritheksuan se marrëveshja e Parisit është "e pakthyeshme".

Rezultatet e kufizuara të arritura nga G20 për të larguar rrezikun nga një luftë tregtare ose për t'i kthyer SHBA-ve një konsensus minimal për të luftuar kundër ndryshimit të klimës provuan vështirësitë e tyre për të shërbyer si një forum i qeverisjes globale.

                                                                                                                                     Euractiv, korrik 2017

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1