E Shtunë, 18 Janar 2020
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Polemika mes Fondit Monetar Ndërkombëtar dhe Bankës Botërore

banniere-IMF-spring-meetings-2016-502pxTakimi i këtij viti i Fondit Monetar Ndërkombëtar me Grupin e Bankës Botërore në Washington D.C., realizuar në tetor, rezultoi një luftë fjalësh financiare mes Shteteve të Bashkuara të Amerikës dhe Gjermanisë ku në mes të gjithçkaje qëndron e shumëpërfolura Deutsche Bank. Si fillim, pati një kundërvënie të Ministrit gjerman të Financave Wolfgang Schäuble dhe Christine Lagarde, Drejtoreshë e Menaxhimit pranë Fondit Monetar Ndërkombëtar, institucion financiar ku SH.B.A.-ja është aksionerja më e madhe (18%). 

Berlini kërkonte medoemos të shmangte diskutimin e problemeve të Deutsche Bank. E megjithëse Lagarde ishte në dijeni të kësaj, ajo përsëri dha disa këshilla shumë të ashpra për bankën më të madhe në Gjermani. Ajo tha se kjo bankë duhet të ndryshojë modelin e biznesit. Po ashtu, i bëri presion për të pranuar me shpejtësi kushtet e rregullatorëve amerikanë për gjobën kolosale prej 14 miliardë dollarësh që Departamenti Amerikan i Drejtësisë i ka vendosur këtij huadhënësi.

Jeroen Dijsselbloem, Ministri holandez i Financave dhe President i këshillit të ministrave të financës së zonës euro, mbështeti gjermanët në përplasjen e tyre me amerikanët. Ai u shpreh se gjoba prej 14 miliardë dollarësh që Departamenti Amerikan i Drejtësisë i ka ngarkuar Deutsche Bank jo vetëm që është shumë e madhe, por përbën rrezik për qëndrueshmërinë financiare globale.

Duke parë se çfarë u thanë nga liderët financiarë europianë dhe amerikanë, shkohet në përfundimin se në horizontin global po shfaqen kërcënime të reja dhe më serioze. Amerikanët i vënë gishtin kapitalizimit të papërshtatshtëm të bankave europiane dhe atij më të mirit gjerman. Po ashtu, vërejnë se Greqia përbën rrezik për qëndrueshmërinë e standardeve dhe kërkojnë që europianët ta zgjidhin këtë rrëmujë. Ndërsa europianët fajësojnë Shtetet e Bashkuara, pasi janë ata që kërcënojnë me gjobë huadhënësin më të madh gjerman, që nëse do të paguhet plotësisht, do të shkaktojë një Armagedon financiar të ri.

Edhe pse çështja e Deutsche Bank e ndan kryekëput perëndimin, liderët ekonomik të Amerikës dhe Europës u shfaqën të bashkuar kundër rritjes së pakënaqësisë ndaj globalizimit dhe integrimit ekonomik. Platforma të ngjashme politike si në Europë e në SH.B.A., ata i quajtën shkurtimisht si “populiste”. Ata u zotuan të ndërmarrin hapa për të siguruar se integrimi i tregtisë dhe ekonomisë do t’u sjellë përfitime më shumë njerëzve, të cilët momentalisht janë lënë pas. Por ata nuk premtuan të ruanin globalizimin ekonomik dhe financiar, sepse natyrisht, preferojnë ta bëjnë këtë heshturazi.

Brexit po ashtu ka ndryshuar mënyrat se si mendohen dhe politizohen gjërat tashmë. Mjafton të shohim si po ftohen marrëveshjet e tregtisë së lirë mes Kanadasë e BE-së apo SH.B.A.-ve e BE-së. Edhe Marrëveshja e Amerikës së Veriut për Tregtinë e Lirë është në rrezik, pasi vihet në dyshim si nga kandidati republikan Trump, ashtu edhe nga demokratja Clinton.

Gjermanët janë ndër politikanët perëndimorë më të alarmuar nga mundësia për më shumë proteksionizëm, më shumë barriera tregatre dhe më pak globalizim. E me të drejtë, pasi mirëqenia e Gjermanisë varet së tepërmi nga eksportet, si asnjë vend tjetër në botë. Gjysma e GDP-së së saj vjen nga shitjet jashtë shtetit.

Si përfundim, takimi i këtij viti mes FMN-s- dhe Bankës Botërore thjesht konstatoi se çdo ditë bota po bëhet një vend i rrezikshëm. Me sa duket, udhëheqësit financiar nuk patën për të ofruar asnjë zgjidhje, por vetëm sa shkëmbyen kërcënime dhe vërejtje të hidhura. Të gjithë duket se po presin për rezultatet e zgjedhjeve në SHBA këtë nëntor dhe në Francë e Gjermani në vitin 2017. Vitin që vjen, takimi i FMN-së me Bankën Botërore pritet të jetë edhe më polemik e paradoksal.

                                                                                                                        European Sting, tetor 2016

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1