E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Marrëveshja e Tregtisë BE-SHBA: 11 debate në PE këtë javë

TTipParlamenti Europian po punon për qëndrimin që do të mbajë këtë javë lidhur me marrëveshjen e tregtisë BE-SHBA të njohur si Partneriteti Transatlantik i Tregtisë dhe Investimeve (TTIP).

Komiteti Ndërkombëtar i Tregtisë, i cili është përgjegjës për hartimin e qëndrimit të Parlamentit, do të diskutojë rekomandimet për herë të parë këtë të martë, ndërsa 10 nga 13 komisionet që do të kontribuojnë në raport gjithashtu do të diskutojnë ose votojnë këtë javë duke shprehur mendimin e tyre.


Marrëveshja e tregtisë, e cila ende po negociohet, mund të hyjë në fuqi vetëm nëse ajo miratohet njëkohësisht nga Këshilli dhe Parlamenti Europian. Eurodeputetët kanë paralajmëruar tashmë se ata nuk do të miratojnë marrëveshjen në çdo klauzolë dhe se do ndjekin nga afër çështje të tilla si standardi i ushqimit.
Por një marrëveshje e tregtisë BE-SHBA, për të cilën raundi i tetë i bisedimeve u zhvillua në Bruksel muajin e kaluar, do të mund të krijojë bllokun më të madh të tregtisë të mallrave pa tarifë në botë, dhe të vendosë bazën për standartet rregulluese në tregtinë botërore.

Zyrtarëve të tregtisë i është dhënë si afat kohor viti 2015 për të siguruar një projekt-marrëveshje mbi TTIP, e cila pastaj do të duhet të ratifikohet nga parlamentet kombëtare dhe ai europian , si dhe nga Kongresi Amerikan. Në 28 vendet anëtare të BE-së, shumica e popullsisë mbështet marrëveshjen e planifikuar TTIP të tregtisë së lirë BE-SHBA. Por në Gjermani, kundërshtarët e saj janë në shumicë. 58% e qytetarëve të BE-së janë në favor të marrëveshjes së planifikuar të tregtisë së lirë dhe vetëm një në katër individë është kundër saj. 

TTIP përballet me një opozitë të shprehur nga një numër i caktuar i OJQ-ve, sindikatave dhe grupeve të konsumatorëve të cilët thonë se kjo do të dobësojë mbrojtjen e konsumatorit dhe mjedisit dhe standartet sociale. Në një deklaratë për shtyp të hënën, aleanca 'Stop TTIP' tha se peticioni i saj, që i bën thirrje Komisionit Europian të ndalojë bisedimet, është nënshkruar nga 1.5 milion europianë.

Ministri gjerman i Çështjeve Ekonomike Sigmar Gabriel akuzon kritikët e marrëveshjes BE-SHBA si përhapës paniku, bazuar nga fakti se publiku është duke ecur me parullën "TTIP është një e keqe", "nuk do të na çojë përpara".

"Kushdo që thjesht shpreson të ndezë emocionet nuk u ngjall besim njerëzve. Çështja e TTIP duhet të debatohet intensivisht por "në bazë të fakteve dhe jo në bazë të supozimeve të paqarta", theksoi Gabriel.Sipas edicionit kombëtar të sondazhit Eurobarometër, të publikuar më 19 shkurt, duket se TTIP ka më shumë kundërshtarë se mbështetës. Rezultatet e studimit treguan se 41% e gjermanëve ishin kundër marrëveshjes, 39% në favor dhe 20% neutralë. Qytetarët e Austrisë dhe Luksemburgut ishin skeptikë për TTIP në një mënyrë të ngjashme, respektivisht me 53% dhe 43% të të anketuarve.

"Është e vështirë për mua për të analizuar pse debati është aq i nxehtë në Gjermani," u shpreh Komisioneria e tregtisë së BE-së Cecilia Malmström, duke vazhduar se ajo nuk e di pse shqetësimi është aq i dallueshëm në Gjermani dhe se ajo nuk do të spekulojë mbi këtë gjë. Është e qartë, tregon Malmström, se Gjermania është një nga vendet që pritet të përfitojë më shumë nga TTIP. Negociatat mbi marrëveshjen TTIP kanë përfunduar tani raundin e tyre të tetë. Malmström shpreson që ato do të përmbyllen gjatë presidencës së Barack Obamës, por sipas saj nuk mund të thuhet që TTIP duhet të hyjë në fuqi deri atëherë.
                                                                                                                                EurActiv, shkurt 2015

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1