E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Artikujt

Qytetarët e BE-së kërkojnë më tepër barazi sociale


shutterstock 446387371Barazia shoqërore shihet si një ndër prioritetet më të rëndësishme sot dhe gjithashtu si një mundësi thelbësore e ndërtimit të së ardhmes së Europës. Por sipas një sondazhi të kryer së fundmi, duket se në të vërtetë europianët janë kundër krijimit të një qeverie ekonomike të BE-së. Një eurobarometër i ‘veçantë’ në lidhje me të ardhmen e Europës i publikuar këto kohë, bën me dije se europianët janë ende më të shqetësuar në lidhje me pasojat e krizës ekonomike sesa për çfarëdo lloj krize tjetër.


Papunësia shihet ende si sfida kryesore për pothuajse gjysmën e europianëve (45%), e ndjekur më pas nga pabarazia sociale (36%). Ndërkohë, që çështjet e tilla si migracioni (36%), terrorizmi dhe siguria (31%) vijnë të tretat dhe të katërtat në listën e shqetësimeve për qytetarët evropianë. Në dritën e këtyre të dhënave, pjesa më e madhe e të anketuarve u shprehën se më shumë vëmendje duhet t'i kushtohet barazisë sociale dhe solidaritetit (46%), në krahasim me tema të tjera të tilla si mbrojtja e mjedisit (31%) apo progresi dhe inovacioni (28%).

A ka akoma ndjeshmëri dhe interes ndaj çështjeve Europiane?

Europianët duken të jenë më pak entuziastë kur vjen puna për t’i dhënë një rol më të madh institucioneve të BE-së në menaxhimin e ekonomisë. Sipas rezultateve të sondazhit të kryer, vetëm 1 në 5 europianë është shprehur në favor se një qeveri ekonomike për BE-në do të jetë padyshim e dobishme për të ardhmen e Europës. Ndërsa në anën tjetër të medaljes, shumica e tyre, pra rreth 53% propozuan standardet e krahasueshme të jetesës në të gjithë BE-në, si më të dobishme për të ndërtuar të ardhmen e Europës.

Në fakt, duhet përmendur se edhe pse 68% e europianëve favorizojnë më shumë vendimmarrje në nivel europian për të stimuluar investimet dhe krijimin e vendeve të punës, qasja europiane duket të jetë më pozitive në fusha të tjera të tilla si lufta kundër terrorizmit (80%), promovimi i demokracisë dhe paqes (80%), apo mbrojtja e mjedisit (77%).

Qytetarët e vendeve Nordike dhe Austria janë më pak mbështetës ndaj një qasjeje europiane për investimet dhe krijimin e vendeve të punës. Ndërsa 67% e gjermanëve kanë mbështetur idenë e një Europe të angazhuar në rritjen e punësimit dhe investimeve në ekonomi. Ky rezultat është mjaft interesant pasi tejkalon dhe atë të vendeve si për shembull Polonia (65%) e cila në fund të fundit përfiton më shumë nga fondet e BE-së.
Po me ekonominë ç’do të bëhet?

Një tjetër sondazh i Eurobarometrit, i publikuar vetëm javën e kaluar, bëri me dije se europianët janë më pesimistë në lidhje me ekonomitë e tyre kombëtare sesa i përket situatës së tyre personale. Ndërsa 56% e të anketuarve gjykuan negativisht situatën ekonomike në vendet e tjera, 69% e tyre besojnë se gjendja financiare ku ata jetojnë është krejtësisht e mirë. Në të njëjtën kohë, 45% e të anketuarve konsiderojnë se ndikimi i krizës ekonomike në tregun e punës do të përkeqësohet edhe më tej në të ardhmen, ndërkohë që 42% e tyre janë shprehur se tashmë duket të ketë një pikë kthese për mirë.

Fatkeqësisht, duke u bazuar edhe në të dhënat e sondazhit të kryer përgjatë muajve të fundit të këtij viti, përshtypjet për të ardhmen duken të jenë mjaft pesimiste. Më shumë se gjysma e europianëve (56%) mendojnë se jeta për fëmijët e sotëm do të jetë më e vështirë se ajo e brezit të tyre.

Asnjë përshtypje pozitive në lidhje me BE-në?

Në fakt duket se shpresa nuk është shuar ende për BE-në, pasi ekziston edhe një shumicë tjetër në radhët e europianëve të cilët duket se ndajnë një pikëpamje pozitive të projektit Europian (69%), sidomos në përputhje me opinionet e tyre rreth Gjermanisë (70%) dhe Francës (69%). Për më tepër, një grup i madh me rreth 66%, pajtohen se BE-ja është një vend i stabilitetit në një botë të trazuar.

Duke pasur parasysh rritjen e opozitës në disa shtete anëtare të thellimit të BE-së, vendet si Franca mbështesin një Europë me dy shpejtësi të ndryshme në mënyrë që kryeqytetet më pro-BE-së mund të lëvizin përpara në këtë proces.

Megjithatë, europianët mbeten të ndarë lidhur me këtë zgjidhje. Ndërkohë që 47% e të anketuarve shprehen se vendet e BE-së në favor të intensifikimit të politikave të përbashkëta europiane në fusha kyçe duhet ta bëjnë këtë gjë pa pasur nevojë të presin për të tjerët, 41% nuk pajtohen kurrsesi me këtë mundësi.
                                                                                                                              EurActiv, dhjetor 2016

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1