E Diel, 24 Janar 2021
Blue Red Green
  • Buletin Informativ i Lëvizjes Europiane në Shqipëri (ISSN 2708 - 1656)
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

BE mbështet nismën për reduktimin e CO2 të lëshuar nga kamionët në masën 35% deri në vitin 2030

foto artikull es co2 ulje 35Të enjten më 18 tetor 2018, në Bruksel, ligjvënësit europianë kanë mbështetur një objektiv për një ulje prej 35% të emetimeve të dioksidit të karbonit (CO2) nga kamionët e rinj deri në vitin 2030. Kjo nismë është cilësuar si një veprim "shumë shqetësues" nga prodhuesit e automjeteve të rajonit europian. Ky vendim i komitetit mjedisor të Parlamentit Europian është pjesë e objektivave të BE-së që synojnë nxitjen e përdorimit të energjive alternative për mjetet e transportit dhe uljen e çlirimeve të karbonit në atmosferë, siç raporton Euroactiv.

Objektivi i vendosur nga Komiteti për të ulur emetimet në 35% deri në vitin 2030 është më i ashpër sesa propozimi i Komisionit Europian i cili në maj të 2018 bëri thirrje për një ulje "të paktën 30%" të emetimit të CO2 nga kamionët sipas projekt-rregullores për automjetet e rënda. Në atë kohë, Komisioni Europian vlerësoi se një reduktim prej 30% do të mund të kursente deri në 170 milion ton naftë në periudhën 2020-2040, ekuivalente me rreth 1.24 miliard fuçi bruto gjatë një periudhe 20 vjeçare.

Komiteti gjithashtu mbështeti arritjen e një uljeje prej 20% të CO2 deri në vitin 2025, ndryshe nga propozimi i Komisionit që ishte 15%. Propozimet e komitetit mjedisor gjithashtu do të vendosin objektivin 35% si një detyrim ligjor. Sipas propozimit fillestar të KE-së, vetëm objektivi i 2025 duhej të bëhej ligjërisht i detyrueshëm, ndërkohë që objektivi i vitit 2030 do të ishte i rishikueshëm të paktën deri në 2022.

Sipas rregullave të reja, prodhuesit e makinave do të duhet të raportojnë të dhëna më specifike në lidhje me emetimet e CO2 të lëshuara nga makinat dhe furgonët. Gjithashtu ato duhet që të raportojnë vlerat e matura në vend të vlerave të deklaruara. Llogaritja e objektivave do të bazohet në vlerat e matura sipas Procedurave të Testimit të Automjeteve të Lehta të Harmonizuara (WLTP), shkruan Financial Times. Procedura e Testimit të Automjeteve të Lehta të Harmonizuara (WLTP) është një procedurë e përmirësuar e testimit e cila siguron vlera të sakta të çlirimit të CO2 dhe karburantit. WLTP u bë i detyrueshëm për të gjitha modelet e reja të makinave nga shtatori 2017 dhe për të gjitha makinat e reja nga shtatori 2018.

Historiku dhe Hapat e Ardhshëm

Komisioni Europian paraqiti propozimin e tij në nëntor 2017 i cili ka qenë objekt diskutimesh të gjata, përpara se t'u dorëzohet ministrave në Këshillin e Mjedisit më 9 tetor 2018. Synimi i përgjithshëm i propozimit është të kontribuojë në arritjen e qëllimeve të Marrëveshjes së Parisit dhe në arritjen e objektivit të zvogëlimit të CO2 në 35% në BE deri në vitin 2030. Masat dhe objektivat e propozuara bazohen në kornizën e klimës dhe energjisë të vitit 2030 dhe në strategjinë e bashkimit të energjisë, e cila synon reduktimin e emetimeve të CO2 lëshuar nga mjetet e transportit dhe përdorimin e energjive alternative.

Reagimi i Industrisë

BE dëshiron të ndërtojë një kornizë që inkurajon prodhuesit europianë të kamionëve dhe automjeteve të rënda për të zhvilluar makina më miqësore me mjedisin në vitet e ardhshme, duke ruajtur një avantazh konkurrues, ndërsa Kina ka avancuar më përpara duke hedhur në qarkullim 200 000 autobusë elektrikë, sipas Green Car Congress. Por prodhuesit e automjeteve të rënda pretendojnë se objektivat janë shumë të rrepta, duke pasur parasysh ciklet e gjata të zhvillimit për automjetet e rënda. Duke reaguar pas votimit, Shoqata Europiane e Prodhuesve të Automobilave (ACEA) i quajti propozimet "jashtëzakonisht të rrepta" dhe "shumë shqetësuese". "Këto objektiva do të paraqisnin probleme të mëdha, pasi ato thjesht nuk marrin parasysh realitetet dhe kompleksitetin e tregut të kamionëve, as ciklet e zhvillimit të gjatë për automjetet e rënda", tha në një deklaratë Sekretari i Përgjithshëm i ACEA, Erik Jonwert.

Pothuajse të gjitha automjetet e mallrave të rënda në Europë aktualisht mbështeten në naftë dhe sektori i transportit rrugor të BE-së konsumon rreth 2.1 milion fuçi për ditë naftë, ose 13% të totalit global. Kamionët përbëjnë rreth 5% të automjeteve në rrugët e BE, por gjenerojnë rreth një çerek të shkarkimeve të transportit rrugor, duke i bërë ato një objektiv kryesor të përpjekjeve të BE për reduktimin e karbonit. Për më tepër që pritet që transporti i mallrave të rritet me 60% nga 2010 në 2050.

                                                                                                                       Stafi i EuroSpeak, tetor 2018

  Kërko

  Axhenda

Janar 2021

18-21 Janar - Eurodeputetët do të debatojnë dhe votojnë për disa çështje gjatë këtyre seancave të para plenare të vitit. Do të votohet ndër të tjera për Instrumentet e Mbështetjes Teknike, forcimin e tregut të vetëm, lëvizja e lirë e shërbimeve, Zbatimi i Politikës së Përbashkët të Sigurisë së Jashtme dhe Politikës së Përbashkët të Sigurisë dhe Mbrojtjes, etj.

********************

19 Janar - Takim i Ministrave të Ekonomisë dhe Financës ku Presidenca portugeze do të paraqesë në seancën publike programin e saj të punës për çështjet ekonomike dhe financiare.

-Komisioni pritet të miratojë Strategjinë për Forcimin e Sovranitetit Ekonomik dhe Financiar të Europës.

********************

21 Janar - Lëvizja Europiane Ndërkombëtare do të mbajë edicionin e pestë të EuropeanChats, ku do të mbledhë aktivistë dhe palë të interesuara për të diskutuar me qytetarë europianë çështje të ndryshme që lidhen me krizën e Covid-19.

- Samiti i Këshillit Europian ku udhëheqësit e BE do të diskutojnë për koordinimin dhe përgjigjen ndaj pandemisë Covid-19 duke përfshirë shpërndarjen në shkallë të gjerë të vaksinave dhe vendosjen e të gjithë instrumenteve për kufizimin e përhapjes së tij.

********************

  FJALOR

wordoftheday

Seksion dedikuar shpjegimit të termave të BE-së.

  Na ndiqni ne:

facebook gplus twitter youtube1