E Shtunë, 07 Dhjetor 2019
Blue Red Green
  • Buletin Informativ i Lëvizjes Europiane në Shqipëri
Joomla!: Position Home - E Hënë, 09 Prill 2012 07:19
Joomla!: Using Joomla! - E Shtunë, 01 Janar 2011 00:00
Joomla!: Upgraders - E Shtunë, 01 Janar 2011 00:00
Joomla!: The Joomla! Project - E Shtunë, 01 Janar 2011 00:00
Joomla!: The Joomla! Community - E Shtunë, 01 Janar 2011 00:00
Joomla!: Sample Sites - E Shtunë, 01 Janar 2011 00:00
Joomla!: Professionals - E Shtunë, 01 Janar 2011 00:00
Joomla!: Parameters - E Shtunë, 01 Janar 2011 00:00
Joomla!: Joomla! - E Shtunë, 01 Janar 2011 00:00
Joomla!: Getting Started - E Shtunë, 01 Janar 2011 00:00
Joomla!: Getting Help - E Shtunë, 01 Janar 2011 00:00
Joomla!: Beginners - E Shtunë, 01 Janar 2011 00:00

Shqetësime në rritje për të drejtën e autorit në BE

copyright

Interneti sot është shumë më tepër se një rrjet ose platformë, por është gjithashtu një kanavacë kolektive. Kjo kanavacë publik globale nxit risitë dhe kreativitetin, nëpërmjet ofrimit të mundësive, fuqizimit të edukatorëve dhe zhvillimit të ekonomisë. Në shekullin e 21, janë të nevojshme ligje që mishërojnë fuqinë e internetit. Por në BE, disa ligje nuk janë përshtatur ende me kohën.

Kuadri aktual ligjor në BE për të drejtën e autorit është i vjetëruar. Ky mozaik i çrregullt i ligjeve në vende të ndryshme të BE-së është mbytësë për risitë dhe lirinë e shprehjes në internet. Kjo është një kornizë që është krijuar shumë kohë më parë kur kartolinat ishin e vetmja mënyrë për të komunikuar në distancë, kur kamerat nuk kishin madhësinë për t’u mbajtur në xhep dhe kur shumë fjalë në zhargonin e internetit ende nuk ishin futur në fjalor. Si rezultat, teknologët, krijuesit dhe kërkuesit janë hezitues për të shpalosur të dhëna që mund të zhvillojnë progresin shkencor. Korniza ligjore e të drejtës së autorit në Europë është jashtë kontekstit historik të ditëve të sotme, duke mos mbajtur në llogari mënyrën se si aksesohet, shpërndahet dhe krijohet kultura sot. Si pasojë, mënyra se si shumë europianë jetojnë jetën e tyre në internet është teknikisht e paligjshme.

Një krijues aplikacionesh, i cili gjen mënyra të reja për të zhvilluar përmbajtjen ekzistuese, mund të jetë duke shkelur ligjin për të drejtën e autorit, pasi kuadri ligjor ekzistues shpesh nuk lejon ndërtimin mbi materiale ekzistuese.
Një mësues i cili përdor artikuj, apo lajme në një klasë mund të jetë duke shkelur të drejtën e autorit, pasi nuk ka dispozita, ose janë shumë të pakta, që përjashtojnë arsimin nga e drejta e autorit.
Një DJ, i cili luan këngët më të njohura mund të jetë duke shkelur të drejtën e autorit, pasi përsëri korniza ekzistuese ligjore e të drejtës së autorit nuk lejon riprodhimet ose vepra të ndryshuara pa lejen e pronarit të veprës origjinale.
Një udhëtar i cili poston një foto tek Kulla Eiffel gjatë natës shkel të drejtën e autorit të BE-së, pasi panorama e dritave gjatë natës të Kullës Eiffel është e certifikuar dhe turistët nuk kanë lejen e shprehur të artistit.

Janë të shumtë ata që mendojnë se është koha për të rregulluar ligjet mbi të drejtën e autorit e autorit në BE. Natyrisht që nuk po kërkohet legalizimi i plagjiaturës apo piraterisë, pasi është e rëndësishme që krijuesit trajtohen në mënyrë të drejtë, duke përfshirë edhe shpërblimin e duhur për krijimet dhe veprat e tyre, por ligji i gabuar për të drejtën e autorit po pengon përdoruesit e internetit të punojnë lirisht.

Këtë vjeshtë, Komisioni Europian ka në plan për të reformuar kuadrin e së drejtës së autorit të BE-së. Njerëzit në BE dhe në botë kanë nevojë për një ligjin që plotëson dhe rrit potencialin e internetit, duke mos e minuar atë. Teknologjia përparon me shpejtësi, dhe ligjet shpesh nuk e ndjekin ritmin. Kjo është arsyeja pse ligjet duhet të mendohen në mënyrë të atillë që të vlejnë edhe pas 5, 10 apo edhe 15 vitesh.

                                                                                                                           EUObserver, gusht 2016

  Kërko

  Axhenda

Nëntor 2019

4 nëntor - Juncker takohet me Visentini, Sekretarin e Përgjithshëm të Konfederatës së Bashkimit Tregtar Europian (ETUC).
4-7 nëntor -
Konferenca ndërkombëtare e sistemit rregullator të rrezatimit dhe energjisë nukleare ku marrin pjesë dhe përfaqesuesit e lartë të Komisionit Europian.
5 nëntor -
European Movement International dhe Raiffeisen Bank International do të mbajnë një panel të përbashkët diskutimi të titulluar "Suksesi i Europës: Pritshmëritë dhe mundësitë për Europën Qendrore dhe Ballkanin".
- Juncker do të mbajë një darkë pune me drejtorët e përgjithshëm të Komisionit Europian.
6 nëntor -
Takim kolegjial mes Timmermans dhe Tony Blair në Bruksel dhe Vestager me delegacionin amerikan të Kongresit
6-8 nëntor -
Forumi Global i Demokracisë, do të jetë këtë vit një platformë diskutimi për politik-bërësit, specifikisht në fushën e informimit dhe demokracisë.
7-8 nëntor -
EuroPCom 2019- Konferenca e Komunikimit Publik Europian- do të mbledhë së bashku ekspertë të fushës së komunikimit, por dhe çdo strukturë organizative lokale ose ndërkombëtare që promovon vlerat e BE.
10 nëntor -
Zgjedhjet e përgjithshme në Spanjë, ku qytetarët spanjollë do të zgjedhin Parlamentin e 14t ë të Mbretërisë.
-
Zgjedhjet në Rumani do të përcaktojnë Presidentin e ri për 5 vitet e ardhshme.

  FJALOR

Rrjeti i Studentëve Erasmus (ESN)

ESN është një organizatë ndërkombëtare jo-fitimprurëse për studentët. Misioni i saj është të përfaqësojë studentët ndërkombëtarë, duke u siguruar këtyre të fundit mundësi për të zhvilluar veten e tyre profesionalisht dhe për të patur një botëkuptim sa më të gjerë kulturor, nën parimin “Studentët ndihmojnë Studentët”. Momentalisht ekzistojnë 530 shoqata lokale që mbështesin studentët ndërkombëtarë në shkëmbimin mes 41 vendeve në Europë së bashku me Shqipërinë. ESN mbulon mbi 1 000 Institucione të Arsimit të Lartë, shumica e të cilave janë të lidhura ngushtësisht me Zyrat e Marrëdhënieve Ndërkombëtare. Në total, pothuajse 15 000 vullnetarë ofrojnë shërbime për rreth 350 000 studentë ndërkombëtarë, duke organizuar një sërë aktivitetesh për integrimin e atyre të rinjve në vendet e tyre pritëse dhe përmirësimin e cilësisë së lëvizshmërisë së studentëve.

  Na ndiqni ne:

facebook gplus twitter youtube1